لا تعليقااات

شوية حاجات عدت ع الواحد D : حبيت اشاركم معايا فيها

النهارده، كنت قاعد في حالي في الشارع جالي واحد مسطول و قالي مش عايز حشيش يا برنس؟ قولتله لا و الله مش بشربه، قالى ليه بس ده حتى طعمه قريب من المكرونه البشاميل،   آنـــا

النهارده، روحت عشان ادفع فاتوره النت فى (TE Data) و بالمره اقولهم ان النت وحش جدا، المهم دفعت الفاتوره و لسه هقول النت وحش قام قالى ثوانى يا فندم النت فصل، آنــا 

 بابا رجع من العمره، و العربيه بتاعته كانت مركونه فى الجراش 10 ايام، فا قالى انزل اغسلها يا حسن، انا لقيت جردل ميه ادام الباب فا خدته غسلت بيه العربيه و خلصت تمام، طالع بقى لقيت ماما بتقول لبابا فين ميه زمزم اللى جبتها؟ قالها ادام الباب هاتها يا حسن من برا،  حـســن

 و انا قاعده في الشغل دخل مكتبي مدير العلاقات العامة (راجل باين عليه محترم و ليه وضعه في الشركه) و لقيتو قعد و قالى عارفه انا بحب واحده بقالي 7 سنين و امبارح بلليل كلمتني و قالتلي انا بكرهك و قفلت الموبيل و سابتني و لقيتو اعد يعيط،  هـنـد

 كنت نازل من البيت الصبح بدرى، سمعت حركه تحت فا ببص لقيت عيل بيسرق لمبه المدخل، خد هنا يابن الكلب و روحت حادف عليه فرده الجزمه، اخد الفرده و جرى، خـالد 

اخويا راح خلع ضرسه، و جه البيت لقيت ماسك الضرس فى ايده و عمال ينخرب فيه بدبوس، قولتله مش بيوجعك و انتا بتلعب فيه كده؟ قالى لا اصل انا واخد بنج،  آحســان 

 امى طلبت انزل اشتريلها بط صغير، روحت لواحد و اشتريت ب250 جنيه تقريبا 25 بطه، و روحت البيت لقيت امى بتقولى الجيران جابو نفس العدد و السن ب150 جنيه بس، قولتلها طيب و رجعت للراجل قولتله ايه الفرق بين الاتنين يا باشا؟ قالى البط بتاعك محصن، قولتله يعنى ايه؟ قالى يعنى مناعته قويه ميمرضش، روحت البيت لقيت 8 ماتو، يـاســر

  النهارده، و انا اعد فى البيت، لقيت اخويا الصغير صحى من النوم و فتح باب الشقه و عمل بيبي ادام الباب و بعدين دخل نام تانى آحساان

مره، اول اسبوع فى الكليه دخلت محاضره متأخر فا الدكتوره قالتى متتأخرش المره الجايه و طردتنى، تانى محاضره دخلت بعديها بثانيه و هيا لسه بتقفل الباب مرضتش تدخلنى و طردتنى، فا مره جيت بدرى و دخلت و فرحان اوى انى اخيرا حضرت، شويه و موبايلى رن فا طردتنى،  انــا 

النهارده، كنت راكب توكتوك انا و واحد صاحبى، لقينا سواق التوكتوك معلق صوره اخت صاحبى ده على الازاز، انا شوفتها و طنشت، بعد شويه لقيت صاحبى قاله ايه ده انتا جبت الصوره دى منين، تعرفها منين اصلا؟ السواق راح ضحك و قاله دى الحته يا برنس،   يوسف  ههههههه

مره، كنت فى عزاء تبع حد عندنا فى العيله، و انا مكنتش مركزه اليوم ده فا بدل ما اقول البقاء لله لمرات الراجل اللى مات، قولتلها الف مبروك،  هدى 

النهارده، رحت اكل عند مطعم كده معرفهوش فاشتريت اتنين برجر وانا واقف مستنى الرجال يسويهم لقيت صرصار معدى جنبه وجنب الاكل قلت له الحق الصرصار ده موته قالى لأ الصرصار ده يتيم وبنعطف عليه ونأكله،    آنـــا 

النهارده، و انا طالع من الاستفتاء، لقيت واحده ماشيه تعيط و تقول ابنى شال الطحال و عايز كيس دم ب120 جنيه، قولتلها هوا فى اكياس دم بتتباع هنا؟ قالتلى قال يعنى فى حد بيشيل الطحال و طلعت تجرى،    ههههههه آنـا 

النهارده، كنت اعد بتفرج ع التليفزيون و لقيت ابويا جه بيزعق و بيقولى انتا عايز تتربى من جديد يا كلب لأن امك معرفتش تربيك، حسبت انى عملت مصيبه فا قولتله فى ايه يا بابا؟ قالى انا كام مره قولتلك تشد السيفون بعد ما تخلص حمام،   هيثم 

النهارده، كنت فى الصيدليه و لقيت البنت اللى شغاله معايا دخلت المعمل و نادت عليا، انا قولت اوبا السناره غمزت يا معلم، دخلت المعلم قولتلها نعم؟ قالتلى انتا زى اخويا انا هقولك حاجه الصيدليه كلها عارفاها بس مش عارفه اقولهالك ازاى، قولتلها قولى متقلقيش و فرحان بقى، قالتلى ريحه جزمتك وحشه اوى،    محموووود هههههههه

, تلت بنات كنت اعرفهم و هموت و امشي معاهم زمان, و التلاته اصحاب, كل واحده فيهم قالتلى انها بتحبني  آنـــا

فى مره من فتره , كنت لابس طقم جامد ورايح اقابل حبيبتى, جت عربيه طرطشت عليا طينه, اتصلت بيها قولتلها معلش استنى شويه هروح اغير واجى, قالت طيب, روحت غيرت و لبست طقم تانى كان حلو مش وحش, وانا ماشى اتزحلقت وقعت فى ميه مجارى, اتصلت بيها قولتلها هيا خروجه فقر روحى, و دخلت نمت,  آنــا