قال الحرامي النبيه
لاخيه
بدلا من ان تلعن الظلام
اسرق فيه
ماشي ع البحر صافي
مِدلدل كتافي
الميه سقعه ... والرمل دافي
أي
دخل في رجلي سؤال
ادي اخره اللي يمشي حافي
مات من الضحك
وفارق الحياه
مع انها كانت نكته
مش عجباه
الليل هو الشاي
والنهار هو اللبن
حط ده علي ده ... وانت تدوق طعم الزمن
لك حبي
وفقري وبهدلتي واقساطي
وانحطاطي واحباطي
من مرتبي
اللي مش كافي
وذلي ودلدله اكتافي
وعيني المكسوره ادام ولادي
من قُصر الايادي
وفؤادي
ادام السور
وادام اللي بنيه
وادام اللي معليه
وادام اللي بيحميه
وقف رجل غلبان
وعمل بيبي
بالحبر الاسود
ازاي اقدر ارسم .... ورده روز
ايه قيمه ابقي حصان جميل ... بس مربوط
او نسر عظيم .. متحنط محطوط
لا يا عم خليني زي ما انا
قرد مجهول ... بس مبسوط
فظيييييييييييييييع
ردحذفبدج فوق الوصف
بجد رائع يا سمسم
ردحذفتحياتى
جميييييييييييل جدااااااااااااا زى العسل اللى كاتبه
ردحذفبجد بوست جميل اووى ومعبر عن حاجات كتير
ردحذفايه قيمه ابقي حصان جميل ... بس مربوط
او نسر عظيم .. متحنط محطوط
لا يا عم خليني زي ما انا
قرد مجهول ... بس مبسوط
جميل ياسولو بجد
ردحذفأنت دايمآرائع
تحياتي
يسعدنى ويشرفنى انى اكون من الذى اضافو لك
ردحذفتعليقات على هذه المدونة الرائعة والكلام الجميل
مدونتك زى العسل وكلامك احلى واتمنى دوام التواصل
ملك الرومانسية