عمرها حصلتلك دي

آولـ حاجة انا عارف ان اللى بيقروا كتاباتى عدد صغير وكده احسن على فكرة

انا النهاردة عايز اتكلم عن احساسى اللى حاسس انه بيموت

عمرك جربت انك تحط دماغك فى الخلاط ( اه الخلاط اللى فى المطبخ ده اللى بيضربوا فى الطماطم ) عمرك فكرت انك تبقى مكان الطماطماية اللى بتقطع جوه دي

بلاش دى

عمرك جربت انك ترمى نفسك من الدور التامن مثلا وتقع فى الشارع وميحصلكش حاجة

( انا جربت من الدور التانى بصراحة يا جماعه ) بس ادينى سليم قدامكم اهو وبكتبلكوا

بلاش دى

عمرك حسيت بأحساس اللباية السودا اللى بتبقى جوه البطيخة مش عارفه تتنفس ولا تتحرك ويوم مايجلها الفرصة وتخرج من البطيخة تكون دخلت على بوئك ولما تيجى تخرجها تقوم تاففها

عمرك جربت احساس واحد تايه فى الصحراء لوحده من غير اكل ولا شرب ولا صديق ولا صدر ام حنون

وكل اللى قدام علشان تروح بيتكم انك تاكل حتة صبار ( ورور ) لسة بشوكه ويا حظك العسل لو لقيت بركة مياه مالحه تشربها

ولا تبقى وجبة عشاء لذئب لسة مروح بيته .

طب عمرك جربت أن انت تدى عمرك لحبيبك .. وأنك تعشقه ويعشقك وتذوب فيه حتى النخاع .. فتصبح عيونه هى عيونك التى تراه بها .. وأذنه هى أذنك التى تسمع بها .. ويصير روحاً شفافة ترسم حياتك ومستقبلك .. ونبضاً يسرى فى كل ذرة من ذرات جسدك .. ثم تفترقا .. ويصبح عليك أن تكمل باقى حياتك بدونه ؟

لآ طبعا اكيد محستش ولا جربت حاجة من دي خااالص بس انا جربت ومريت وحسيت

ياريت انا كنت خد بالى من الاول كان العذاب مش هيطول ولا بالندم حسيت

وادينى آكتئبت 3 ايام وبعدين خفيت وجيت افضفض ليكم

بـصـوا بقى انا هقول اللى جواية واجيب من الاخر علشان الواحد بيفكر انه مش يكتب تانى اصلى زهقت بس اهو كنوع من الفضفة مش اكتر ده الكلام اللى جوايا وببقى عايز اتكلم فيه ومش بقولة لحد

بقوم مسيح بيه ع النت وانا بفكر امسح المدونة بس فى واحد صاحبى شافها وفرح اوى وقال < الله عليك يا مبدع انت فنان وجامد وشاب خسارة فى البلد دى >

انا بقى اخد البوقين دول بينى وبينكم حسيت ان انا ملك مصر او كبير المدونين الآعظم ونفخت ريشى زى الديك الرومي وقمت مشغل اغنية لينكن باركـ ( بلديت اوت ) وقلت يلا انا هاجى على نفسى واقوم اكتب

نفختكم معايا صح انا عارف

المهم ان فى زبون رخم جالى السايبر دلوقتى بس وانا لازم امشى واقفل ومش هبطل كتابة دى مذكرات شاب مش مذكرات مراهقة ( ههه حلوة مذكرات مراهقة دى )

يلا سلاموز بالمووز دلوقتى علشان ورايا شغل منا مش فاضيلكم بقى الترجمة الآنجليزية لسلاموز بالموز

peace panana